馬體會半和趁祖買

2019-08-10 07:55:00 来源:网络

新舊C朗瑞典交鋒
周日凌晨國冠盃煞科戰,馬德里體育會喺瑞典中立場鬥祖雲達斯。馬體會今季大換血,包括引入「新C朗」祖奧菲歷斯,國冠盃所見「床單兵團」磨合進展良好,遇上有正牌C朗擔大旗嘅祖記,戰況隨時陷膠着,吼半場和好過。

(無線85台及MyTV Gold周日凌晨零時直播)

馬體會今季進行重組,除高甸、盧卡斯靴南迪斯同菲臘路爾斯等後防主力相繼他投外,主將基沙文亦離隊轉投巴塞隆拿,不過同時間引入「新C朗」祖奧菲歷斯做接班人,令前線更添朝氣活力,另外防線亦搵嚟馬里奧靴莫素、菲臘比蒙達里奧同雷蘭洛迪等實力猛將,配合「鐵血主帥」施蒙尼嘅防守大法,半場要擋住祖記唔難。

祖記新兵有待磨合
祖雲達斯新季一口氣簽入艾朗藍斯同馬菲斯迪歷特等多位新援,希望佢哋配合C朗衝擊歐聯冠軍。不過睇番「老婦人」近排熱身賽表現,呢班新兵明顯未同球隊夾慣,喺國冠盃先後不敵熱刺同打和國際米蘭,暫時發揮唔出最強實力。加上回顧往績,兩隊近4次交鋒有3次半場打成平手,今場半場和值得追捧。

皇冠体育